Realme C31 India ramah zawrh chhuah ṭan a ni ta

Budget phone Realme C31 chu nimin chhun aṭang khan India ramah zawrh chhuah ṭan a ni a, Realme online store, Flipkart leh dawr hrang hrangah lei theihin a awm tawh niin company lam chuan an tarlang.

Realme C31 hian 6.5-inch LCD display a hmang a, 13-megapixel triple rear camera setup a nei bawk. Unisoc T612 chipset hmangin Android 11 a hmang a, Realme R UI niin 5,000mAh battery a nei bawk a ni.

Rawng chi hnih Dark Green leh Light Silver an siam a, 3GB + 32GB storage model chu Rs. 8,999 man niin 4GB + 64GB variant chu Rs. 9,999 man a ni thung.

Realme C31 specs ṭhenkhat:-
Display 6.52-inch
Processor Unisoc T612
Front Camera 5-megapixel
Rear Camera 13-megapixel
+ 2-megapixel
+ Monochrome
Battery Capacity 5000mAh
OS Android 11
Resolution 720x1600 pixels