Machine Gun Kelly 'Mainstream Sellout' album a hit

Billboard 200 chart-ah Machine Gun Kelly album thar 'Mainstream Sellout' pakhatna a ni a, single chart lamah erawh Glass Animals 'Heat Waves' bawk a la che ṭha.

'Mainstream Sellout'
Machine Gun Kelly studio album parukna 'Mainstream Sellout' hi March 25-a a tlangzarh kha niin Blink 182 drummer Travis Barker nena an thawhdunna project pahnihna a ni a, kar hmasa chhung khan US-ah equivalent album unit 93,000 hmuin pakhatna a ni a; EAU 42,000 hi album a hralhna aṭanga a hmuh chhuah a ni. Album sales chart lamah pawh topper a nih tel phah nghe nghe.

'Mainstream Sellout' hi MGK album, Billboard 200 chart topper ni thei pahnihna a ni chiang a, Australia lamah a vawi khatna atan chart topper a ni. Artist 100 chart lamah pawh a album thar vang hian MGK hi pakhatna a ni mek bawk.

Lil Durk '7220' chu pahnihna a ni thung a, Encanto soundtrack chu kar hmasa lama a dinhmun, pathumnaah bawk a ding leh.

Morgan Wallen 'Dangerous: the Double Album' chu palina a ni a, Olivia Rodrigo pawh Grammy lamah a che ṭha bawk a, a album 'Sour' chu 11-na aṭangin panganaah a rawn invawrh leh a ni.

Hot 100, Billboard Global 200 chart topper Glass Animals bawk
Glass Animals 'Heat Waves' bawk Billboard Hot 100 chart-ah topper a ni leh. Chart topper ni tura a kawng zawh thui viau mah se chart topper a nih takah erawh a ding nghet hle. Kar nga chhung lai chu Hot 100 chart topper a ni tawh. He hla hi Billboard Global 200 chart-ah pawh pakhatna a ni leh a, single chart lamah chuan a la chet ṭhat chhunzawm zel. Billboard Global Excl. US chart lamah erawh Anitta 'Envolver' chu pakhatna ani a, 'Heat Waves' hi pahnihna a la ni pha thung.

The Kid LAROI & Justin Bieber 'Stay' pawh a la hit reng a, a chuai hleithei lo. Chart-ah pahnihna a la ni vang mai. Latto 'Big Energy' chu pathumna a ni ve bawk.

The Billboard 200 chart top 10:-
1 Mainstream Sellout Machine Gun Kelly
2 7220 Lil Durk
3 Encanto Soundtrack
4 Dangerous: Morgan Wallen
The Double Album
5 Sour Olivia Rodrigo
6 The Highlights The Weeknd
7 Certified Lover Boy Drake
8 LEGENDADDY Daddy Yankee
9 Planet Her Doja Cat
10 DS4EVER Gunna

The Hot 100 top 5:-
1 Heat Waves Glass Animals
2 Stay The Kid LAROI
& Justin Bieber
3 Big Energy Latto
4 Super Gremlin Kodak Black
5 Enemy Imagine Dragons X JID