Dua Lipa Grammy dress ang kha...

Kum 30 liam taah khan Cindy Crawford-i'n a lo ha tawh!

Pathianni liam ta zan kha rimawi tana zan ropui a ni. Chu zana zaithiam kalte pawhin an thawmhnaw hak tur an uluk ṭhin hle. British singer Dua Lipa pawh mawi takin, Versace thuam, gown dum mawi tak nen a rawn inlan a nih kha maw.

Grammy award sem zana Dua Lipa inthuamna ang chiah chiah kha kum 30 liam ta, 1992 MTV Video Music Awards-ah Cindy Crawford chuan a lo ha tawh a nih chu!

Cindy Crawford chuan Instagram lamah Dua Lipa thlalak pholangin, kum 30 liam taa a thlalak a pholang tel bawk a, a caption-ah 'Then and now ♥ Timeless' tih ziakin Versace leh Dua Lipa a tag. Dua Lipa pawhin Grammy award sem zana a thlalak caption-ah 'a little bit of 1992' tih a lo hmang tawh bawk. Dua Lipa post hi amah Donatella Versace ngei pawhina comment nghe nghe a, mawi a tih thu a ziak a ni.