Lily-Rose Depp; 'The Governesses'-ah

Lily-Rose Depp chu film thar 'The Governesses'-ah a chang dawn a, Hoyeon leh Renate Reinsve-te nen he film-ah hian an chang ang.

Johnny Depp fanu Lily-Rose Depp film channa tur hi Joe Talbot chuan a direct dawn a, poet-novelist Olivia Gatwood chu script a ziahpui dawn bawk.

He film hi Anne Serre novel ziah 'The Governesses' behchhana siam tur niin Ed Guiney leh Andrew Lowe-te chuan Rob Richert leh Angus Lamont-te thawhpuiin an produce dawn a ni. Spain lamah an chang dawn a, BBC film-te nen an thawkho ang.

Lily-Rose Depp hi kum 22 mi ni ve tawhin lemchan khawvelah sulhnu a hnutchhiah ve nual tawh a, film 12 velah a inlan tawh a, chung zingah chuan nikum lama tichhhuah film lar tak 'Voyagers' leh 'Wolf'-te pawh kha a tel a ni.