Metallica charity-in Ukraine tan $500k pe

Heavy Metal legend Metallica charity 'All Within My Hands Foundation' chuan Ukraine raltlante tana chaw pekna turin $500,000 an pe.

All Within My Hands Foundation hian World Central Kitchen kaltlangin chhawmdawlna hi an pe a, drummer Lars Ulrich chuan,"Chef José Andrés leh World Central Kitchen-te hnathawh, mihring tihduhdah tuar mekte tana eitur an buatsaihsak hi a ropui takzet.

"Min hneh a, ropui kan ti a, European ram paruka Ukranie mi maktaduai chuang an chenna in tlansante hnena eitur pe tura tha kan thawh ve thei pawh hi kan inchhuang a ni," a ti.

Metallica hian an la duhtawk mai dawn loa, June thlaah hi chuan $maktaduai 1 tal chu pek tlin hman an tum a, chumi tur chuan hma pawh lak an tum.