Italian rapper Sfera concert-ah mi paruk an thi

Italian rapper lar Sfera Ebbasta chuan kar kalta Inrinni khan Lanterna Azzura, Italy-ah concert a nei a, mipui innawk buai avangin van­duaina a thleng zui. He vanduaina thleng­ah hian mi paruk an thih bakah, midang eng emaw zatin hliam an tuar.

Nunna chan zinga mi panga te hi kum tling lo, kum 14-16 inkar an ni a, midang pakhat chu kum 39 mi a ni ve bawk. Mi 50 chuangin hliam an tuar a, an zinga mi 13 chu an dinhmun a ṭha lo hle niin an sawi.

Ancona Chief Prosecutor Monica Garulli chuan concert neihna hmunah hian mi 800 vel an leng a, mi 1,400 vel an pun khawm avangin an inchil­buai ta niin a sawi. Vanduai­na tawk te a tawrhpui thu sawiin, he thil then dan hi chhuichian a nih tur thu a sawi bawk.