BAFTA Games Awards 2022 Game ṭha ber Returnal

British Academy of Film and Television Arts buatsaih British Academy Video Game Awards vawi 18-na chu Ningani khan Queen Elizabeth Hall, London-ah sem a ni a, 'Returnal' chu che ṭha berin award pali a la a, chung zingah chuan award ngaihhlut 'Best Game' pawh a tel.

BAFTA Games Awards 2022 nomination chu March 16 khan puan a ni a, 'Returnal' hi nomination hmu tam ber zinga mi a ni a, a chet ṭhat pawh rinsa a ni. 'Returnal' bakah hian 'It Takes Two' chu nomination hmu tam a ni bawk a, 'Returnal' nen hian pahnih ve ve an nei a ni.

Sci-fi horror game 'Returnal' hian Best game, Audio achievement, Performer in a Leading Role leh Music award-te a dawng a ni. 'It Takes Two', 'Ratchet and Clank: Rift Apart' leh 'Unpacking'-te chuan award pahnih ṭheuh an dawng bawk.

BAFTA Game Awards-a che ṭha tak 'Returnal' hi third-person shooter game a ni a, Housemarque develop niin Sony Interactive Entertainment chu tlangzarhtu an ni thung a, April 30, 2021-a an tlangzarh kha niin PlayStation 5 game a ni. Nikum lamah pawh khan The Game Awards-ah Best Action Game-ah thlan a lo ni tawh bawk.

Bafta Games Awards 2022 winners:-
Best game - Returnal
Best British game - Forza Horizon 5
Performer in a leading role - Jane Perry as Selene Vassos in Returnal
Performer in a supporting role - Kimberly Brooks as Hollis Forsythe
in Psychonauts 2
EE game of the year - Unpacking
Narrative - Unpacking
Evolving game - No Man's Sky
Original property - It Takes Two
Multiplayer - It Takes Two
Debut game - Toem
Game beyond entertainment - Before Your Eyes
Family - Chicory: A Colorful Tale
Animation - Ratchet & Clank: Rift Apart
Game design - Inscryption
Artistic achievement - The Artful Escape
Technical achievement - Ratchet & Clank: Rift Apart
Audio achievement - Returnal
Music - Returnal