Camila Cabello album thar 'Familia' a ngaihthlak theih ta

Camila Cabello chuan nimin khan a studio album pathumna 'Familia' chu a tlang-zarh a, streaming platform hrang hrangah ngaihthlak theihin a awm tawh.

A album thara hlate hi hripui len zual lai, Kum 2020-21 vela a phuah kha niin album a tlangzarh hmain hla pahnih 'Don't Go Yet' leh 'Bam bam' chu a tichhuak tawh a, nimin khan 'Psychofreak' chu single-in a tichhuak ve leh bawk.

'Familia'-ah hian hla 12 a awm a, artist dang thawhpui nei nualin 'Psychofreak'ah hian Willow a thawhpui a, 'Bam Bam'-ah khan Ed Sheeran chu thawhpui bawkin 'Hasta los Dientes'-ah María Becerra chu a thawhpui a, 'Lola' hlaah Yotuel chu a thawhpui bawk a ni.

Camila Cabello album thar hi review-tute'n an fak hlawm hle a, NME Nick Levine phei chuan a album tihchhuah tawha midang hneh ber a nih thu a sawi hial.

'Familia' -a hla awmte:-

1. "Familia"

2. "Celia"

3. "Psychofreak" (featuring Willow)

4. "Bam Bam" (featuring Ed Sheeran)

5. "La Buena Vida"

6. "Quiet"

7. "Boys Don't Cry"

8. "Hasta los Dientes" (featuring María Becerra)

9. "No Doubt"

10. "Don't Go Yet"

11. "Lola" (featuring Yotuel)

12. "Everyone at This Party"