Brooklyn Beckham leh Nicola Peltz an innei

Victoria leh David Beckham-te fapa Brooklyn Beckham leh Nicola Petz-te chuan Inrinni khan Palm Beach, Florida-a Petz chhungkaw hmunah 'Tiam tlat e' an ti.

People magazine-in a tarlan dan chuan Brooklyn Beckham nupui neihnaah hian milar inlan an awm nual a, chung zingah chuan Eva Longoria, Mel C, Gordon Ramsay leh tennis legend Serena Williams-te pawh an tel. Kum 23 mi Brooklyn leh a nupui thar kum 27 mi Nicola-te hi July 2020 khan an inhual tawh a, kum hnih dawn an inhual hnuah an innei ta a ni.

An inneih ceremony-ah hian Victoria leh David Beckham bakah an fate dang Romeo (19), Cruz (17), leh Harper (10)-te pawh an tel vek a, model Nicola Peltz pawh hi a nu leh pa Nelson Peltz leh Claudia Heffner-te'n an ṭawiawm bawk.