Ozzy Osbourne-a'n a album thar tur a peihfel

Black Sabbath rocker Ozzy Osbourne chuan Instagram lamah a studio album thar ber tur a peihfel tawh thu a sawi.

"Ka album thar tur chu tunkar khan ka peihfel ta a, ka label Epic Records pawh ka pefel tawh tih hlim takin ka rawn sawi e. Ka album thar chungchang leh tlangzarh tur chungchang vel chu kar rei lote liam hnuah ka rawn puang leh ang," tiin Inrinni khan a sawi a ni.

Kum 73 lai ni tawh rock legend hian kum 2020 khan a album hnuhnung ber 'Ordinary Man' chu a tlangzarh a, tuna a album thar tur hi tun thla tawp lamah hi chuan a tihchhuah an ring a ni.

Ozzy hian a album tharah hian artist hrang hrang a thawhpui dawn niin sawi a lo ni tawh a, Guns N' Roses' Duff Mckagan, guitarist Eric Clapton, Pearl Jam Mike McCready, fam ta Taylor Hawkins leh Red Hot Chilli Peppers Chad Smith-te pawh an tel niin an lo sawi tawh.