Baahubali record khum thei tura beisei Rajinikanth channa 0.2
Tun hnaiah Bollywood film chhuak thar thawm nei lian tak a awm a, chu chu Rajinikanth channa 0.2 a ni. He film hian sum a hailut hnem rem rem hle a, Bollywood film chhuak tawh zinga sum lalut hnem Baahubali 2 chu akhum thei dawn niin an tarlang.
Indian actor lar Rajinikanth leh Akshay Kumar te channa 0.2 hi November 29 khan tlangzarh a ni a, sum lakluh kawngah a cheṭha nghal hle. Tun thlenga a sum lakluh tawh zat chu vaibelchhe 152 niin, Baahubali record a hnaih chho zel a ni.
Sum lauktuh tam lamah hian Aamir Khan channa Thugs of Hindustan chu a khum der tawh. He film hi kumin Bollywood film chuak tawh zinga sum lalut hnem pangana a ni a, 0.2 hian thla khat pawh liam hmain a rawn khum a ni. Hei bakah hian Tiger Shroff' channa Baaghi 2 leh Salman Khan channa Race 3 te chu a hnaih sawt viau bawk. Baahubali 2: The Conclusion erawh a la hlat deuh thung a, beiseina erawh a sang hle a ni.
0.2 film siam nan hian cheng vaibelchhe 500 chuang zet sen ral a ni a, sum lakluh kawnga a che ṭha pawh hi a awm viau a ni. India ram khawpui lian hrang hrangah chhuah choh mek a ni a, a sum lakluh pawh hi a la pung chho zel tura ngaih a ni.