Steph Curry-a'n thla-ah lawn an awm ring lo!
Basketball khelh a thiam em avang leh Kristian ṭha tak a nih avanga mipui ngainat hlawh tak, Stephen Curry chuan thla-ah mihrning lawn an lo awm a rin loh thu a sawi chhuak mauh mai!
Golden State Warriors star hian hemi chungchang hi Thawhṭani khan Podcast-in an interview ṭumin a sawi chhuak a, sawi zui a hlawh hle. Steph Curry chuan, "Thla-ah khian mihring lawn an awm ka la ring lo a ni. Thlalak leh video tam tak hi a lem a nih ka ring" tiin a ngaihdan tlang takin a sawi a, inhnialna chawkchhuaktu nih erawh a tum loh thu a sawi.
He a thusawi hian mithiam te beng a verh hle a, National Aeronautics and Space Administration (NASA) chuan finfiahna nei turin an sawm nghal. NASA chuan "Curry hian finfiah a duh a nih chuan engkim kan inhuam a ni" an ti a, mamawh engkim an lo ruahman sak tur thu an tarlang bawk. Stephen Curry hian NASA sawmna hi a la chhang lo thung.