Critics Choice Award dawng thei tur a hriat ta

Lemchan khawvela award sem ṭhin zinga ngaihlut hlawh tak pakhat Critics Choice Award dawng thei tur te chawpchhuah a ni leh ta a, American singer Lady Gaga leh actor Bradley Cooper te channa 'A Star Is Born' chu mipui ngaih­ven ber a ni.

Critics Choice Award-ah hian category hrang hrang 14 a awm a, award dawng thei tura chawpchhuah te pawh an hrawl hle. Best Actor dawng thei tura chawpchhuah zingah 'A Star Is Born' star Bradley Cooper hming a langsar a, a chanpui Lady Gaga pawh Best Actress award dawng thei dinhmunah a ding mek bawk.

Tunlai film lar tak tak - Black Panther, Green Book, A Star Is Born, Crazy Rich Asians leh Widows te chu an langsar a, film director zingah, Alfonso, Peter Farrelly leh Spike Lee te hming a ri ring viau bawk. He category-ah hian Bradley Cooper pawh a lang cheu bawk.

Critics Choice Award no­mi­nee hi Thawhṭanni khan puan niin, nakkum January 13 khian a vawi 24 nan sem a ni ang.