Oscar pe let turin Leonardo an ti

Hollywood star Leonardo Dicaprio chu Malasian sumdawng Jho Low hnen aṭanga a dawn, Oscar trophy chu pe let tura tih a ni mauh mai.

Jho Low hian Leonardo hnenah hian kum 2013 khan Oscar hi a pe a, court-in a chhui lai mek a nih avangin pe let leh rih turin a hriattir ta a ni. He Oscar hi kum 1954 daih tawha American actor Marlon Brando-a'n a dawn kha niin, lilam a nih hnuah Malasian sumdawng hausa Jho Low hian $600,000 in a lei a ni.

Jho Low leh Leonardo te hi 2014-a tihchhuah 'The Wolf of Wall Street'-ah khan an thawk dun a, duhsak takin Oscar hi a lo hlan a ni. Mahse he trophy hi court-in a chhui mek lai a lo nih avangin inpe kir leh rih turin hriiattir an ni ta a ni.

Jho Low hian Pablo Picasso painting pawh a pe tel a, hei erawh kum 44 mi American actor Leonardo Dicaprio hian a nei hlen thei dawn a ni.