Grace Lalchhanhimi'n hla thar 'I hmangaihna a lo lang ṭhin' a tichhuak dawn

Mizo Idol Grace Lalchhanhimi chuan hla thar 'I hmangaihna a lo lang ṭhin' a tichhuak dawn.

Grace-i hian hun eng emaw chen chhung chu hripui boruak avangin music video thar a tichhuak tawh loa, tunah erawh a hla thar a rawn tichhuak dawn ta a ni. 'I hmangaihna a lo lang ṭhin' hi kumina a music video hmasa ber tur a ni a, project dang buaipui chhunzawm pawh a nei niawm tak a ni.

Hun eng emaw chen aṭang tawh khan Blue Wave Records chu ngawrh takin a luhchhuah tawh a, hla buaipui a nei nual niin a lang. Chung zinga mi ZR Sanga hla phuah 'I hmangaihna a lo lang ṭhin' chu kumina project hmasa atan a rawn nei ta a ni. He hla hi Mizo hla kalphung dang nen a inang dawn lo deuh niin Bza, Blue Wave Records chuan Vanglaini a hrilh a, eng lam hawi nge a nih dawn hriat a chakawm tawh viau mai.