Chloe Grace Moretz 'Nimona'-ah

Chloë Grace Moretz chuan animated film 'Nimona' film-ah a aw a thawh dawn.

Kum 25 mi lemchan thiam Chloë Grace Moretz aw hi main character 'Nimona' aw-ah hman a ni dawn a, Riz Ahmed leh Eugene Lee Yang-te pawh he project-ah hian an tel dawn a ni.

Deadline-in a tarlan dan chuan a tirah chuan Blue Sky Studios lamin he project hi an buaipui hmasa a, mahse an chawlhsan leh hnuah Netflix lama chhuah turin hma an la ṭha leh a ni. Nick Bruno leh Troy Quane-te chuan an direct dun dawn.

He film hi ND Stevenson New York Times bestselling fantasy graphic novel Nimona behchhana siam tur a ni a, nakkum lamah hian tlangzarh hman an tum a ni.