Ranbir Kapoor leh Alia Bhatt an innei

Bollywood superstar pahnih Ranbir Kapoor leh Alia Bhatt-te chu Ningani khan Bandra house, Vastu, Mumbai-ah sawm bik tlemte hmaah an innei.

Ranbir Kapoor leh Alia Bhatt-te hi kum 2018 khan an inzui ṭan a, kum li lai an inzui hnuah an innei ta a ni. An inneih hi mi hrang hrangin an lawmpui thu an sawi nasa a, mi lar tak tak pawhin social media lamah an lawmpuina thu an tarlang uar hle.

Ranbir huasak zawng hi Rs vaibelchhe 330 vel niin media ṭhenkhat chuan an tarlang a, project pakhatah Rs Vbc 50 vel zel a hlawh niin an sawi bawk. Hetih lai hian Student Of The Year star Alia Bhatt hian nikum khan Rs Vbc 517 vel a nei niin an chhut thung. Kuminah hian an pahnih hausak zawng belhkhawm chu Rs Vbc 839 vel zet niin News 18 lam chuan an tarlang.