Pasal ka nei tawh dawn lo : Kaley Cuoco

'The Big Bang Theory' star Kaley Cuoco chuan pasal neih a tum tawh loh thu a sawi mauh mai!

Glamour magazine April issue cover story tura an interview-naah Kaley Cuoco chuan,"Pasal ka nei tawh dawn lo," tiin a sawi. Inlaichinna ngialnghet leh rei tak neih leh erawh a hnial loh thu a sawi thung a,"Inlaichinna rei zawk neih leh chu ka duh a, kawppui ngialnghet zawk neih leh pawh ka duh. Mahse, pasal ka nei tawh dawn lo," a ti.

CBS sitcom 'The Big Bang Theory'-a Penny lem hnehsawk taka a chan avanga hriat hlawh Kaley Cuoco hian pasal pahnih a nei tawh a, tennis player Ryan Sweeting nen kum 2013 khan inneiin 2015 khan an inṭhen leh a, kum 2018 khan equestrian Karl Cook nen inneiin nikum khan an inṭhen leh a ni.

A lemchan thiam avanga chawimawina eng emaw zat dawng tawhtu Kaley Cuoco hi TBBT lama a pasal lema chang Johnny Galecki (Leonard Hofstadter) nen khan kum hnih chhung vel chu a rukin an inngaizawng tawh a, Karl Cook nen an inṭhen khan ṭhenkhat TBBT fan-te chuan Johnny nen inkawp se an ti viau mai thei a, mahse, Penny hian pasal neih a tum ta lo niin a lang.