Lalbiakhluni Colney music video thar a hnai

Sesawng nula Lalbiakhluni Colney chuan a music video 12-na tur 'Ka di enchim loh' chu a tichhuak thuai dawn.

Lalbiakhluni Colney hian a music video thar tur hi a teaser pawh a tichhuak tawh nghe nghe a, Vanlalvena Fanai, Bawngkawn phuah niin video erawh Zova, Kanan Veng kut chhuak a ni dawn thung. RK Three Brothers Studio lamah recording erawh a ti thung a, hun rei lote hnuah kan thlirin kan ngaithla thuai dawn a ni.

Folksong hla satu kan neih tlem zinga mi leh ngaihven hlawh ber pawl Lalbiakhluni Colney hian pipu zai hmangin music video a siam nual tawh a, tuna mi pawh hi Zofate rilrem zawng tak a nih leh ngei a rinawm.

A video tharah hian ama kut chhuak ngei thuam a rawn inbel dawn nghe nghe a, Roluahpuia Pautu(Mapuia) leh Lalchhuankima Khiangte chuan a music video thar tur hi sponsor-in a music video dang ang bawkin thlirtu nuai chuang a nei leh thuai mai thei a ni.