MDM-in charity concert nei dawn

Music Domain Mizoram (MDM) chuan kum danga an lo kalpui ṭhin tawh angin, zanin tlai dar 4:00 hian charity concert an buatsaih leh dawn.

MDM Charity Concert hi Chan­mari kawna neih tura ruahman niin, mi harsa te ṭanpuina turin bawm dawh a ni ang. He hunah hian MDM artist ṭha tak tak an zai dawn a, zan dar 9:00 vel thleng neih tura ruahman a ni. Artist te hian bawm dawhin an kalkualpui dawn a, thilpek lo pe ṭheuh turin mipui te an ngen a ni.

Heta ṭanga pawisa tling khawm te hi mi harsa zawk ten Krismas hlim leh lawm taka an hman theihna tura luan­chhuahna tur a ni a, a boa bang awm loin semchhuah vek a ni ang. MDM hian kum­tin charity concert hi an buatsaih ṭhin a, kuminah pawh hian CK Hyundai nen ṭang­kawpin he hun hi an buatsaih leh a ni.