Zaninah Mizo Dance Camp Showcase

Mizo Dance Camp Showcase chu zanin hian Chanmari YMA Hall-ah neih a ni dawn ta. He Showcase-ah hian Mizo­rama lam zirna hrang hrang aṭang zirlai te leh zirtirtu te an lam dawn a, lam lama tui mi tan chuan a hmunah en ngei chi a ni.

He huna perform tur te hi Khatla-a inkulh Fit In Studio, Aizawl Institute of Performing Arts, Zarkawt leh Flava Dance Studio, Ramhlun North te an ni dawn a, Manipur aṭangin WeDance Academy te an rawn inlan dawn cheu bawk.

Mizo Dance Camp Team te an che dawn bawk a, winter intensive chhunga an lam zir hrang hrang te an entir dawn a ni. MDC Team hian contemporary, jazz leh Hip Hop style hmangin lam hmuhnawm tak tak an entir dawn bawk.

MDC Showcase den chhen hian choreography cover contest siam a ni a, zaninah an final ang. Finalists te hi - Frozen Crew, GOV leh War of Dreamz te an ni a, zaninah a ṭha ber a hriat dawn a ni.

MDC Showcase-ah hian guest perfor­mer an awm dawn a, tunlai YouTuber lar Kungi leh a team te an che dawn a ni. Show hi dar 7:00-ah ṭan a ni dawn a, a hmun­ah ticket Rs. 50 man lei tur a awm dawn a ni.