BBMA 2022-a Icon Award dawngtu tur Mary J. Blige

Mary J. Blige chuan kumin Billboard Music Awards-ah Icon Award a dawng dawn.

Billboard Music Awards vawi 10 lai dawng tawhtu Mary J. Blige hi award sem inkhawm MGM Grand Garden Arena, Las Vegas-a May 15-a neih turah a perform dawn bawk a ni.

Billboard hian mi 10 hnenah Icon Award hi a hlan tawh a, Mary J. Blige hi 11-na tur chiah niin rimawia sulhnu ṭha tak a hnutchhiah tawh bakah Billboard chart hrang hranga a chet ṭhat ṭhin avangin he chawimawina hi an hlan dawn a ni. He award hi Neil Diamond, Stevie Wonder, Prince, Jennifer Lopez, Celine Dion, Cher, Janet Jackson, Mariah Carey, Garth Brooks leh P!NK-te chuan an lo dawng tawh bawk.

J. Blige chuan, "Tun anga hriat ka ni leh Billboard Music Awards-a Icon Award chawimawina ka dawng tur hi chawimawina ropui tak a ni a, ka lawm takzet a ni," tiin thuchhuah a siamah a tarlang.

Kum 1995-ah daih tawh khan Billboard R&B album of the Year a lo dawng tawh a, kum 2006-ah khan award pakua lai a dawn belh leh bawk. Grammy award pawh pakua lai a dawng tawh a, kum 2017 khan Oscar history-a a vawi khatna turin lemchan huangah leh songwriting huangah nominee a lo ni ve ve tawh bawk.