Christopher Nolan-a 'Oppenheimer'-ah Olivia Thirlby

Christopher Nolan-a feature film thar tur ngaihven hlawh tak 'Oppenheimer'-ah 'The Wedding Ringer' star Olivia Thirlby chu a chang ve dawn.

Pulitzer Prize hial dawng thei lehkhabu Kai Bird ziah 'American Prometheus: The Triumph and Tragedy of J. Robert Oppenheimer' behchhana siam tur father of atomic bomb Robert Oppenheimer chanchin film-ah hian changtu tur an puangzar tawh a, film star lar tak tak an ni hlawm.

Peaky Blinders star Cillian Murphy chu achangtupa ber tur a ni a, Emily Blunt, Florence Pugh, Robert Downey Jr., Matt Damon, Rami Malek, Benny Safdie leh Josh Zuckerman-te pawh an chang dawn tih a chiang tawh a, heng lemchan thiam lar tak tak zingah hian Olivia Thirlby hming pawh ziah luhin a awm ve ta a ni. A role tur erawh sawi lan a la ni lo. He film hi nakkum July 21-a tlangzarh hman an tum a ni.