Ticos-a & TBC-a December 17 zanah Lammualah

Zai ngaina bawk, football ngaina bawk tán chuan December 17, Thawhtanni zan hian Lammual pan mai tur a ni - tleirawlte atchilh Ticos Darhmingliana leh mitin ngainat TBC Zaithanpuia te an che dâwn.

Mizoram Premier League Season 7 Final khelh a ni dawn a, he mi hma hian dár 7:00 aṭangin National Junior Football Championship-a champion Mizoram player te lawmna hun hman tur a ni.

Hemi zan hian Active Sound lamin an sound ṭha, a set kimin Lammual-ah an thawhchhuahpui dâwn a, champion lawmna ni bawk, advance Christmas programme ni bawk hman a ni ang.

Tunlai zaithiam lar Ticos Darhmingliana leh TBC Zaithanpuia ten zaiin mipui an awi dawn a, hei ngawt pawh hi Lammual panchhan tham a tling. Krismas urlawkna ni bawk, rimawi leh en nawm hmuh tur awm bawk hi hmaih phal chi rual a ni lo.

Hemi zan hian Chhinga Veng FC leh Aizawl FC te chuan Mizoram Premier League Season 7 final an khel dawn a ni.