GUM OB Krismas hla thar

Mizo gospel singer intel khawm pawl Gospel United Mizoram (GUM), Office Bearer te chuan Krismas hla thar 'Entu Ropui' tih chu YouTube kal tlangin an tlangzarh ta. He hla hi sap hla aṭanga an lehlin niin, sakpui nuam tur tak a ni. He music video-ah hian OB te an tel kim a, Music video hi Sreenfirm kutchhuak niin, recording hi Foster Records kutchhuak a ni thung. 

Gospel United Mizoram hi kum 2006 khan din a ni a, Pathian fakna hla satu intel khâwm pâwl an ni. Ṭanpui ngaite ṭanpui kawngah an thawhhlawk hle a, mi harsate tan vawi eng emaw zat charity concert an lo buatsaih tawh a ni. Hmun hrang hrangah zaia rawngbawlin an fehchhuak ṭhin bawk. Kum 2018-2020 atana OB te hi - TBC Zaithanpuia, Vanlalsailova, Henry Lalliansanga Varte, David Vanlalpeka, Lalremsiami (Nunui), Chalthanmawii (Mawitei) leh Dr. Zothansanga te an ni.