Zanin aṭangin 'Onstage' ṭan leh tawh dawn

MZI General Headquarters leh LPS Vision ṭangkawpin an buatsaih ṭhin ‘Onstage’ programme chu zanin aṭangin chhunzawm a ni leh dawn ta.

'Onstage' programme hian mipui hriat­ a hlawh ṭhin hle a, hun eng emaw chen tihtawp lai lawk a nih hnuah tharthawh a ni leh tur hi a lawmawm hle a ni. Zan­in hian dar 7:00 aṭangin programme ṭan a ni dawn a, Joy Zairemmawia leh Ruth Lalhnehpuii ten an host dawn a ni.

Zanin ‘Onstage’-ah hian MZI Champhai Headquarters leh Ser­chhip Headquarters ten hun an hmang dawn a, an district chhunga zaithiam an neih hrang hrangte an inlan dawn a ni.

Zaithiam bakah hian musician ṭha tak tak an inlan dawn a, violin leh Saxophone instrumental play ngaihnawm tak ngaih­thlak tur a awm dawn a ni. Heng bakah hian band ṭha tak tak an perform dawn cheu bawk a ni.

'Onstage' programme hi zai mite inpho­chhuahna ṭha tak niin, a bikin mipui­in an la hmelhriat lem loh talent nei ṭha tak tak te tan inphochhuahna hun remchang tak a ni. Zanina 'Onstage' prog­ramme neih leh tur pawh hi LPS leh YouTube-ahte live-a en theih a ni ang.