Kimkima'n hla thar 'I zun ngaih lunglen vangin'

'Sarah, I zunzam' tih hla hmanga Zoram mipui min awi tleitu, Kimkima chuan hla thar a peih fel leh ta. A hla thar hi 'I zun ngaih lunglen vangin' tih a ni a, hla lungkuai tak mai a ni. He hla hi ama phuah a ni nghe nghe a, a thu pawh a ṭha dap dap hle.

Kimkima hian a lyrics video-in a tichhuak phawt a, official music video chu kar leh lamah tichhuah a tum a ni. He hla-ah hian tunlai zaithiam zinga hriat hlawh tak K. Hminga nen an thawk dun a, music pawh hi an siam dun a ni. Recording hi Kings & Prophets niin, video hi William Lalrindika siamsak a ni a, hmuh a chakawm tawh hle.