World record ṭum nga siam thei Victor Manuelle
Puerto Rican salsa singer Victor Manuelle chuan a nuna a ropui ber tih ngam hial a tawng a, Guinness World Record title panga a kawl hem mai.
Kum 50 mi lai ni ve tawh Victor Manuelle hian rimawi khawvelah mi bik a nih zia pholangin, Billboard Tropical Airplay chart-ah record ṭum nga zet a siam a ni. A record duhawm tak avang hian Thawhṭanni khan Miami-ah ropui tak chawimawi a ni a, Guinness World Record bu-ah a hming ṭum nga zet ziah lan a ni ta a ni.
Victor Manuelle hian kum 1993 khan music khawvela a luhchilh a, kum 25 chhungin sulhnu ropui tak a hnutchhiah a ni. A record siam te hi Billboard Tropical Airplay chart-ah vek a ni nghe nghe.