Ariana Grande hla thar 'Imagine'

Kumin chu American singer Ariana Grande fan te tan lawmna tur a tam hle a, tun hnaiah pawh hla thar a rawn nei leh tawh a ni.

Billboard Woman of the Year, Grande hian kar kalta Zirtawpni khan 'Imagine' chu a tichhuak a, hemi hma hian 'Thank U, Next' chu a lo tlangzarh tawh bawk. Tun ṭuma a hla thar hi a bialpa hlui Mac Miller chungchang a tarlanna niah fan lam chuan an ngai a, ngaihven pawh a hlawh pha hle. Hla thar a tichhuah tur chungchang hi Twitter kaltlangin a tarlang a, teaser a tihchhuah hnu lawkah a release zui ta a ni.

'No Tears Left to Cry' singer hi zai mood-ah a cheng hle tih a hriat a, kuminah ringawt pawh hla thar a tichhuak hnem ta malh malh hle. Nakkum lama tihchhuah tur Album a buaipui mek bawk a, tour a neih tur a tichaing tawh bawk.

Hetih lai hian tun hnaia Kanye West chungchang a sawi dan avangin dem a hlawh viau a, mipui hriatah pawh ngaihdam a dil hial a ni.