Voltas Malsawm House Ṭhazual Gospel-ah Lalthansangi 'A chatuan ro luah tumin i bei zel ang' pakhatna

Voltas Malsawm House Ṭhazual Gospel chart-ah Lalthansangi chu 'A chatuan ro luah tumin i bei zel ang' hmangin pakhatna a ni.

Thla zawna chart topper ni thei Lalthansangi
March thla tir lamah a hla 'Pathian angchhung thianghlimah' hmangin Lalthansangi hian Ṭhazual Gospel chart a lo thunun tawh a, tunah 'A chatuan ro luah tumin i bei zel ang' hmangin chart-ah ro a rawn rel leh ta.

Lalthansangi hian 'A chatuan ro luah tumin i bei zel ang' hi February 15 khan YouTube-ah a dah a, thla hnih vel chiah a liam tihah thlirtu nuai thum dawn a neih tawh bakah Ṭhazual chart lamah pawh ro a rawn relpui leh ta a, Lalthansangi zai hi Zofate'n kan ngaina tih a hriat.

He hla hi top 10-ah a lanpui har loa, hma sawn zelin a tihchhuah aṭanga rei loteah chart topper a rawn nihpui ta a ni.

Pahnihna leh pathumna chu...
Gospel singer zai tura sawm hlawh ber zinga mi pahnih Maruati leh Arini-te chu pahnihna leh pathumna an ni. Maruati hian 'Ka thlang nawn zel fovang che' chu pahnihna a rawn nihpui tawh a, a hla a sa thiamin a sa mawi bawka, pakhatna a nihpui thuai a rinawm.

Pathumna pawh Arini a ni a, chuvang chuan tunṭum chart-a langte hi an ṭha hle tih a chiang. Arini hian a hla thar ber 'Luiral mawi' chu pathumna a nihpui mek.

Midang chart-a langte
Seraphic Choir 'Lalnunnem' chu palina a ni a, Zorinsanga Sailo 'Lo kir rawh' chu pangana a ni thung. Cindy, Sailo Lalsangzuali, Stacy Punte, Faktu leh Pensy-te pawh chart-ah an lang a ni.

Ṭhazual Gospel chart top 10:-
1 Lalthansangi A chatuan ro luah tumin i bei zel ang
2 Maruati Ka thlang nawn zel fovang che
3 R. Lalrinmawii (Arini) Luiral mawi
4 Seraphic Choir Lalnunnem
5 Zorinsanga Sailo Lo kir rawh
6 Cindy Lalthanpuii Aw Pathian
7 Sailo Lalsangzuali Krista ka kulhpui
8 Stacy Punte Min hmang ang che
9 Faktu Ka felna Lal Krista
10 Pensy B. Lalthangliani Vut aiah parthi