'Thinlung thawnthu' phuahtu The Rengs a boral

T Melody hla lar tak 'Thinlung thawnthu' phuahtu Lalrengpuia (The Rengs) chu kum 49 mi niin Pathianni khan Tahan, Myanmar-ah a thi.

'Thinlung thawnthu' hi hla chanchin ngah tak a ni a, T. Melody-in an tihchhuah hnu lawk khan Zofate zinga hla lar ber pawl a ni hial. The Friday Show-in a kawm ṭumin T. Melody vocalist Lalnunsanga chuan Lalrengpuia hi an band member-a an ngaih thu leh an hla phuatu pu ber ni hialte pawhin a lo sawi tawh. Fam ta Chama'n thiam taka a sak 'Angel' pawh kha The Rengs phuah tho hi a ni nghe nghe a, hla 30 chuang a phuah tawh a ni.

Lalrengpuia hi nikum June thla aṭang khan a pum nat vangin enkawl ṭan a ni a, Pathianni zing aṭang khan a pumna a reh thei loa, zan lamah damdawi-in panpui niin Doctor leh Nurse-te'n theihtawp an chhuah hnuah zan dar 11-ah a boral ta a ni.

An chhungkua hi Tahan 'A' group-ah an cheng a, kum 2000 khan Lalzikpuii nen inneiin fa pathum an nei tawh a ni.