'Spider-Man: No Way Home' vawi 292 a en!

Spider-Man fan niin i inhria em? I lo atchilh ve viau pawh a ni thei. Mahse Florida-a pa pakhatin Spider-Man film thar ber 'Spider-Man: No Way Home' a en zat erawh khum a har ve viau mai thei. Vawi 292 zet zu han en tawh a!

Florida mi Ramiro Alanis chuan 'Spider-Man: No Way Home' kha tlangzarh a nih hnuah vawi 292 a en tawh a, Guinness World Record a siam hial. ‘Most cinema productions attended of the same film’record a siam phah hial.

Ramiro Alanis hi pa maksak a ni ve hrim hrim a, 'Avengers: Endgame' kha theatre-ah vawi 191 lai enin record a lo siam tawh a, chu a record chu Arnaud Klein-in a rawn khum a, Arnaud Klein record chu a rawn khum ve leh ta a ni. Arnaud Klein hian French movie 'Kaamelott: First Instalment' chu vawi 204 enin Alanis record hi a khum a, mahse chu record chu a khum nawn leh ta hem mai a ni. A hman in ti ve em? Nge a peih in ti zawk?!