Catriona Gray Hlawhtling turin a bei nasa

Miss World-ah a tum ram thleng pak lovin a tla a, a beidawn phah chuang lo. Kum 2018 a herchhuah leh chuan Miss Universe atan thlan a ni a, a hlawhtlnna chu hahipa mi sawi a ni ta zawk a ni.

Australian-Filipino televi­sion host, Ca­tri­ona Gray hian hlawh­tling turin nasa takin a bei a, Miss Universe title a lak theih nan hian thla 12 teh meuh a inbuastaih a ni. In­tih­siakna neih a nih chhung zawngin a ṭha lawr lak a, a che vel reng rengin mit a tlung hle a ni. Result puan hma hauha mipui rinkai a ni a, beisei ang ngeiin hlawhtlinna a chang ta a ni.

Kum 24 mi Catriona Gray hian intihsiak ṭan hma kum khat vel a la awm tih aṭangin theater-ah a practice ṭan a, an ram history a zir chiang bawk.

A trainer Carlos Buendia chuan, "Inrintawkna nei turin nasa takin a bei a, a taksa leh rilru zawng zawng a seng a ni. Lehkhabu tam taka chhiar a, zawhna tam tak a inzawt bawk ṭhin a ni," tiin, a inbuatsaih dan a sawi. "Ama tan chauh a ding lo tih a inhria a, Filipino mi mtd 100 aiawhtu a nih a inhre chiang em em a ni," tiin, Catriona Gray chanchin chhuang takin a sawi.

Catriona Elisa Magnayon Gray hi model a nih bakah zai lamah pawh a duai lo hle a, eizawn nan hmang pawh nise a ngaihtuahawm loh khawp ang le. Hei bakah hian show hrang hrangah a inlan ṭhin a, television host lar tak a ni. A chanchin hi khawvelin a ngaihven a, a hlawhtlinna an insawi vul siak a ni ber.