Ṭhazual Award 2018 Zanin dar 8:00-ah sem a ni dawn ta ; Feli Fanai, Kimkima, Jerry, Ticos & Teawmi perform dawn
Zonet Ṭhazual Award 2018 chu zanin dar 8:00 hian sem a ni dawn ta a, Zonet Zawlbuk leh HD channel-ahte live-a pekchhuah a ni ang.
He hunah hian tunlai zaithiam lar - Feli Fanai, Kimkima, Mizo Idol Jerry, Mami, Ticos leh Teawmi-te an perform dawn. Anni bakah hian Marina Varte, Stacy, Nunui, Jenn Ralte, Nunui Chhangte leh Ruth CVL Muanpuii-te an an che dawn bawk a, Best Male Artist (Gospel) ni lai Sawmtea a la awm cheu bawk.
Khawi hmunah nge?
Ṭhazual Award hi a vawi khat nan Dawrpui Multipurpose Hall-ah sem a ni dawn a, engkim peihfel a ni tawh. Live-a pekchhuah tur a nih avangin inbuatsaihna pawh ngawrh taka kalpui a ni a, stage pawh uluk taka chei a ni.
Tunlai zaithiam lar ber ber-te zai dawn avangin sound system pawh a ṭha ber ber chhawpchhuah a ni dawn a, TV lama lo entute tan pawh a man hla hle dawn a ni.
A hmuhnawm dawn!
Zanin award ceremony-a perform turte hi lengzem leh gospel huangah chuan a ṭha ber berte an ni a, an che vel hmuh a chawk tawh hle. Feli Fanai chuan a hla thar 'Tuman an tluk lo' tih ngei mai chu live-in a perform dawn a, side-dancer pawh an awm leh dawn. A music video hit taka lamte kha an che leh dawn a, mit leh beng a tlai hle dawn a ni.
Tun hnaia hla thar tichhuak Kimkima perform tur mawlh hi mipui enchak a ni. Kimkima hian a hla thar 'I zun ngaih lunglen vangin' a sa dawn a, a boruak a nuam khawp ang le. Inbuatsaihna pawh ngawrh takin a nei a, "A ṭha thei ang bera inlan ka tum a ni," tiin a sawi. Kimkima hla thar hi a hit rem rem hle a, December 13 khan YouTube-ah upload niin, mi nuai nga chuangin an view leh der tawh a ni.
Mizo Idol an che dawn
Zanin hian Mizo Idol star mi pali-ten an thiam thil an show leh dawn a, a phurawh tawh tak zet. Chanmari tlangval Jerry Lalrinawma zaithiam zia leh a performance ṭhat zia sawi nawn a ngai lo. Tunlai tleirawlte star rawn Ticos-a'n a thiam a la theihngilh lo tih a lantir tur pawh hi nghahhlelhawm tawh tak a ni.
Mizo Idol intihsiak laia hot ber mai Teawmi che vel mawlh hi hmaih phal chi a ni lo! Ani hian thiam taka a lo sak tawh 'Lengdang an tam' tih hla kha a thlawh dawn a, a hnehsawh leh pek viau ang le.
Champhai nula H. Lalnunsiami (Mami) hmel hmuh tur awm leh tur pawh hi chanchin lawmawm tak a ni bawk. Mami hi stage-a a che vel a hmuhnawm ṭhin a, intihsiak ni loa a perform tur hi hmaih phal chi a ni lo.
Ruth CVL Muanpuii
Ṭhazual Award nominee Ruth CVL Muanpuii perform tur hi en chakawm berte zinga mi pakhat a ni. Ruthi hi Ṭhazual Award-ah vawi khat a perform-na turah a ni a, amah pawhin a ngaihlu hle. 'Lawm chungin Kraws kawng ka zawh zel ang' tih hla a sa dawn a ni. Stacy VL Muanpuii perform tur pawh enchakawm tawh tak a ni a, Sawmtea chu gospel artist zinga boruak nei lian ber pawl a ni bawk.
Album a release hnua rawn invawrh lar chho leh mek Marina Varte chu zanina inlan tur zinga thawm nei lian a ni bawk a, ani bakah hian Kulikawn nula Nunui leh Jenn Ralte te an la awm cheu bawk. Tunlai ṭhalaite lawm Jaui perform tur hi enchakawm berte zinga mi a ni bawk.
Ṭhazual Award-ah hian category hrang hrang sawm a awm dawn a, nominee-te pawh an hrawl hlawm hle. Award dawng thei tura chhawpchhuahte hi lengzem leh gospel huanga artist ṭha ber berte an ni a, award pakhat aia tam dawng thei dinhmuna ding an awm nual a ni.
BEST MALE ARTIST LENGZEM
Manuna
Mathlenga
Kimkima
Thiamchantira
Henry Lalmalsawma Renthlei
BEST FEMALE ARTIST LENGZEM
Zorinzuali
DJ Lalvenhimi
Feli Fanai
Rachel Lalnunkimi
Josephine Lalawmpuii
BEST MALE ARTIST GOSPEL
Amtea
Zorinsanga
Thawhlehnaniropuia
Sawmtea
Bka
BEST FEMALE ARTIST GOSPEL
Grace Lalchhanhimi
Mawitei Ralte
Ruthu CVL Muanpuii
Hlimhlimi
Stacy VL Muanpuii
BEST NEW ARTIST GOSPEL
Jennie Lalruatfeli Ralte
Lalhmangaihzuali (Nunui)
R. Lalrinmawii
Felfeli Ralte
Lalnunpuii Kawlni
BEST NEW ARTIST LENGZEM
David Lalremruata
HT Lalthanzami
KR Robert
Ramzauvi
Jenny Jathang
BEST DUO/GROUP
Seraphic Choir
Various Artist (I chakna ringin)
Govt. Complex KTP
Euphony
Manuna & Feli Fanai
BEST SONGWRITER
Myztic Sailo
Dina Jathang
Parpuii Chawngthu
Kima Chhangte
Faith Lalduatmawii
BEST MUSIC VIDEO GOSPEL
Amtea - Adonai
Henry Varte - A sawm che
Zorinsanga - Min hual reng thin
Jennie Lalruatfeli - Thuneihna I ta
Valtea - Ka fak a che
BEST MUSCI VIDEO LENGZEM
Sangkimi Khiangte - In tello chuan
David - Jerusha
Dji - Ni thar duhawm
PUC - Zoram Rohlu
Rachel Lalnunkimi - Mai a lum e