Def Leppard music video-ah Ruatpuii

English rock band lar Def Leppard chuan tun hnai khan Kismas hla an tichhuak thar a, an music video-ah hian Mizo naupang Ruatpuii pawh a lang ve.

Def Leppard hla thar hi 'We All Need Christmas' tih a ni a, Thawhṭanni khan tlangzarh a ni. He hla hi mi hrang hrangin an cover a, chung zinga ṭhenkhat chu music video-ah hian tihlan a ni. Chung zingah chuan 'U Got Talent' aṭanga mipuiin kan hmel hriat, zai thiam em em mai Ruatpuii pawh hi a tel a ni. Video-ah hian an hmuia an phunrem 'lip sync' lai a lang a, an aw erawh tihlan a ni lo.

Ruatpuiin 'We All Need Christmas' a cover hi Blue Wave ten an buaipui a ni a, an hlawhtlinna avang hian an lawm hle. Blue Wave neitu BZ-a chuan, "Ṭhenkhat tan chuan thil ho tak pawh a ni mai thei a, keini erawh chuan hlawhtlinna ropui takah kan ngai a ni. Khawvel huapa band lar an ni a, an music video-a kan nau (Ruatpuii) lang ve hi kan chhuang tak zet a ni," tiin, a sawi.

Def Leppard hian December 17, Thawhṭanni khan an music video thar hi YouTube-ah an upload a ni.