Social media a hman loh hnuah Hailey Baldwin a hlim sawt

American model Hailey Baldwin chuan social media a khawih loh hnuah a nun a hlim sawt thu a sawi chhuak mauh mai le. Justin Bieber-a nupui ni ta Hailey Bieber chuan a thutlukna siam tawh zingah fuh ber niin a la sawi ta deuh deuh a, engtiang chiahin nge a hlimpui tih hriat a chakawm hle.

Kum 22 mi Hailey Bieber hian social media zawng zawng a thlah vek tihna erawh a ni lo a, Instagram a khawih tawh rih lo mai chauh a ni. Heti chung hian a hlim pha hle tih a sawi a, a chhan pawh thil ṭha lo leh rilru hnualna thlen thei thil atam vang niin a sawi.

Hailey chuan, "Insta­gram hi a ṭangkai viau a, chutih rual chuan rilru lam thlenga nghawng thei a ni. Thil ṭha aiin a ṭha lo lamin min ngawng nasat zawk avangin thutlukna ka siam ta a ni" tiin, IG- a khawih tawh loh chhan a sawi. Chutih rual chuan a hma aia nasa zawkin a nunah hlimna a aneih phah niin a sawi a, a hmang lo zui zel dawn em tih erawh a sawi lang lo thung.

Hailey hi Canadian singer lar Justin Bieber nen an innei a, mumal taka puanzar a awm loh avangin fan te an lungawi lo hle. Hei vang hian mi ṭhenkhat chuan social media lamah an beih zui phah a ni.