Cristiano Ronaldo fapa thar a thi

Khawvela footballer ropui ber ni hiala mi tam takin an ngaih Cristiano Ronaldo leh a kawppui Georgina Rodriguez-te chuan an fapa thar an chan.

Ronaldo leh Rodriguez-te hian fa, phir an nei a, mipa leh hmeichhia neiin, mipa zawk hi a boral a ni.

An fapa thih thu hi thuchhuah inṭawm siamin social media lamah an puangzar a,"Hrehawm ti tak chungin kan naute thar mipa zawk chu a thi tih kan puangzar e. Nu leh pa tan chuan tuar har ber leh na ber a ni. Fanu thar kan nei hian tun hun hi beiseina leh hlimna nena hmang turin chakna min pe ve hram chauh a ni," tia tarlangin,"Kan fapa duhtak, kan angel i ni. Kan hmangaih reng ang che," tiin thuchhuah an siam.

Ronaldo hian a fa hmasa ber atan Cristiano Jr chu 2010 khan a nei, a hnuah phir Eva leh Mateo-te chu 2017 khan a nei leh. Tuna a bialnu Rodriguez nen pawh 2017 khan - Alana Martina an lo nei tawh bawk a ni.