'Thor: Love and Thunder' trailer hmuh tur a awm ta

'Thor: Love and Thunder' trailer hmasa ber chu film siamtu lamin an rawn chhawp chhuak ta.

Trailer aṭangin thil thleng tur eng emaw chen a hriat theih a, Chris Hemsworth-a Thor leh Guardians of the Galaxy-te pawh an thawkho ngei dawn tih a chiang. Fan-te tiphur tak thil hmuh tur a awm a, chu chu Natalie Portman 'Jane Foster' a tawpa a rawn lan dan a ni.

A hmaa sawi lawk tawh angin Jane Foster chu female Thor a ni dawn tih a chiang ta a, trailer tawp lamah Mjolnir a hum hmuh tur a awm a, chu chu social media lamah pawh a darh nasa nghal hle.

'Thor: Love and Thunder' hi Taika Waititi bawkin a direct leh dawn a, July 8 hian tlangzarh a ni ang.