'The Batman' a thlawk sang zel

Kumin chhunga film tlangzarh zinga sum lalut tam ber record a siam har loa, chuti chung chuan a sum lakluh a pung zel a, tun kar tawp liam ta thleng khan $mtd 751.6 a lalut der tawh.

Matt Reeves-a direct, Robert Pattinson leh Zoe Kravitz-te channa film 'The Batman' hian US aṭang ringawtin $mtd 365 vel zet a lalut tawh a ni.

He film hi hrileng hnua Hollywood film US pawna tlangzarh kara sum lalut tam pathumna a ni hrim hrim a, 'Spider-Man: No Way Home' leh 'No Time to Die' a tluk lo a ni. Darkar thum dawna sei ni mah se entute'n hmuhnawm an ti tlang a, $tld pawh a lakluh thuai a rinawm. 'Suicide Squad' aiin a sum lakluh a tam tawh a, khawvela film tlangzarh tawh zawng zawng zinga sum lalut tam 111-na a ni mek bawk.