Jason Momoa Live-Action Minecraft Movie-ah?

Jason Momoa chu naupangte'n khelh nuam an tih em em Minecraft game live action movie siam turah a chang dawn tiin khawthlang media-te chuan an tarlang.

The Hollywood Reporter-in an tarlan dan chuan inremna an la siam chiah loa, mahse a inremna siam turin hmawr an bawk hnai niin an sawi.

Minecraft film hi Jared Hess chuan a direct dawn a, Warner Bros. lam chuan hun eng emaw chen chu he project hi an buaipui tawh niin media-te chuan an tarlang a ni.