Box office-ah Rogue One a la hlawhtling zel

Krismas hma khan Rogue One: A Star Wars Story hi box office-ah pakhatna a ni hman a, Krismas chhung leh Krismas zawh thlengin he movie hian box office-ah pakhatna a luah.

Kar tawp, kum hlui thlah kar khan USD mtd 63.6 zet a lalut leh a, hengte nen hian USD mtd 439.1 zet North America-ah chauh pawh a lalut tawh. Heti hian kum 2016 chhunga movie tihchhuah zingah Rogue One hi North America-ah chuan sum lalut hnem ber dawttu a tling ta. Sum lalut hnem ber chu Finding Dory kha a ni a, USD mtd 486 a lalut.

Rogue One hi Disney tihchhuah a ni a, Disney hi tunlai khawvelah chuan movie lamah an hlawhtling hle. Kum thum chhung chu kum khat chhunga movie sum lalut hnem berte hi Disney tihchhuah a ni.

Box office-a pahnihna chu animated movie, Sing a ni a, kar liam ta chhung khan USD mtd 53.7 a lalut. Passengers chuan USD mtd 19.7 a lalut thei a, Moana chu palinaah awmin, USD mtd 13.4 a lalut leh bawk.

Box office movies

“Rogue One” - $mtd 63.6

“Sing” - $mtd 53.7

“Passengers” - $mtd 19.7

“Moana” - $mtd 13.4

“Fences” - $mtd 13

“Why Him?” - $mtd 12.5

“La La Land” - $mtd 12

“Assasin’s Creed” - $mtd 10.1

“Manchester by the Sea” - $mtd 5.3

“Collateral Beauty” - $mtd 5.1