Star Wars star Carrie Fisher Khawvelin a thlah liam ta

Star Wars film-a Princess Leila lema chang ṭhin, Carrie Fisher chu George Michael thih hnu lawk, Decmber 27 khan thi a, khawvelin a thlah liam ve leh ta.

Kum 1956-a piang, Carrie Fisher hian Star Wars a hlawhtlinpui hle a, Alderaan planet-a princess, Leila lema a chan hnu hian Shampoo (1975), The Blues Brothers (1980), Hannah and Her Sisters (1986), The ‘Burbs (1989), leh When Harry Met Sally... (1989) te pawh a chang.

Ruihhlo lamah a buai ve hleṭhin a, cocaine leh a ei tura an chawh damdawi te a ngai. Hei bakah hian bipolar disorder a nei bawk. Europe-ah a zin kual a, December 23 khan Los Angeles pana a thlawh haw laiin thlawhtheihna chhungah, a bula ṭhu chuan a thaw a tawp a tih avangin a chuanna thlawhtheihna pawh a buai phah hle. Anṭum ve leh Ronald Reagan UCLA Medical Center-ah phurh luh nghal a ni a, ventilator hmanga enkawl a ni. ICU-a ni li lai a awm hnuah December 27 khan a thi ta a ni.