Celine Dion romantic drama 'It’s All Coming Back to Me' Nakkumah

'It’s All Coming Back to Me' tih han chhiar zawng hian ṭhenkhat chuan kan rilruin kan sa nghal maithei a ni. Mahse tuna kan sawi tur hi chu hla ni loin film lam a ni dawn thung.

Celine Dion channa tur romantic drama film 'It’s All Coming Back to Me' chu nakkum February 10-ah tlangzarh a ni dawn a, he film-ah hian Priyanka Chopra Jonas leh Sam Heughan-te pawh kan hmu dawn a ni.

2016-a tihchhuah German film 'SMS für Dich', Karoline Herfurth siam behchhana film siam tur hi a tirah chuan 'Text for You' tih a ni phawt a, mahse a hnuah Celine Dion-i'n kum 1996-a a tlangzarh 'Falling Into You' album-a Jim Steinman hla a cover behchhanin 'It’s All Coming Back to Me' tiin a film hming an thlak leh a ni.

Priyanka Chopra hi a pasal hual boral avanga hmalam hun pan zel tura hun harsa tawk mek lemah a chang dawn a, a pasal hlui phone number-ah message a thawn ṭhinin, chu number hlui chu midangin an lo hmang tawh si a, an pahnih chuan intawngin nunkawng an zawh chhoh dun tâk chungchang vel a ni dawn.