Ezra Miller an man leh tawh!

Kar li em pawh la liam loah khan 'Fantastic Beast' star Ezra Miller chu Hawaii-a South Hilo officer-te'n an man a, chhuah a nih hnu aṭangin ni tam a la liam lo, Thawhlehni khan Hawaii-ah bawk man a ni leh!

Hawaii Police Department police department-te sawi dan chuan Pãhoa-a mimal chenna ina thil thleng vangin Miller hi man a ni. Kum 16 mi hmeichhe pakhat chalah chair-in a vawm a, chu nu chuan hliamte pawh a neih phah hial. Police-te'n an man hi an ram huna zing dar 1:30 vel a ni a, zingkar dar 4:05 velah chuan chhuah ni leh mah se thilthleng hi an chhui zui ang.

Ezra Miller hi March 28 khan man a lo ni tawh bawk a, bar patron-a a khawsak dan mawi lo tak vangin man ni mah se $500 chawi tirin bail-a chhuah zui leh a ni.