Mabiaki Pachuau-in Music video thar tichhuak dawn

Mizo Folk Singer Lelte Award ṭum hnih lai lo dawng tawh Mabiaki Pachuau chuan kumina a music video pathum tur ‘Ka hmangaih Zoram’ tih chu a tichhuak dawn.

He hla hi Ellis H.Pachuau phuah niin, chîk taka Mizoram dinhmun thlìrna, veina leh Zoram siamṭhat duhna lam hawi hla niin Ramthar Zai thlûka siam a ni. Video chu Ṭhatea Ralte videography-in mawi takin a siam a, Mizo thuam leh lamte hmuh tur a awm ang. Music & Recording hi 3 Brothers an ni thung. A hla hi a thlûk a larsa avàngin mi nâwlpui pawhin an sakpui theih tùr leh Function hrang hranga saka lampui hup hup theih tùr chi a ni tel bawk.

Mabiaki hla thar hi Zonet lamah leh MDM YouTube channel-ah thlìr theihin a awm thuai dáwn a ni.