The Matrix 4-ah Priyanka Chopra Jonas kan hmu dawn
Science fiction film The Matrix 4-ah Priyanka Chopra Jonas a chang ve dawn tih Variety chuan a tarlang. Priyanka hi German khawpui Berlin-ah The Matrix 4 film shooting neiin a awm mek tih a tarlang a, German-ah hian Covid-19 hri chuan ziaawm lam a pan tawh avangin film shooting an nei ṭan tawh niin a tarlang bawk.
Covid-19 hri leng vangin March thla aṭang khan The Matrix 4 shooting kallai mek chu tihtawp lailawk a ni. San Francisco-a shooting neih zawh a nih hnuah German-ah hian shooting neih leh a ni a, shooting tumna hmun ṭhenkhatah hri chuan ziaawm lam a pan tak avangin shooting hi an neih chho ṭan leh a ni.
Keanu Reeves leh Carrie-Anne Moss pawh Neo leh Trinity lemah an rawn chang leh dawn tih a chiang tawh a, kum 2022 April 1-a thlangzarh tum niin, director leh a film ziaktu pawh Lana Wachowskis bawk a ni leh.