Glossier celebrity ambassador hmasa ber Olivia Rodrigo

Makeup company Glossier chuan American singer, rimawi khawvela ngaihven hlawh ber pawl ni chho mek Olivia Rodrigo chu an ambassador a nih thu an puang.

Olivia Rodrigo hian tunhnaiah Glossier makeup hi a hmang foa, Grammy-ah pawh khan a hmang niin Billboard lam chuan an tarlang a, tunah phei chuan a thawhpui ta hial a ni. Glossier hian a hmain celebrity ambassador an la nei ngai lo, Olivia hi an thawhpui hmasak ber a ni nghe nghe.

Product development, social content leh ad campaigns-ahte "Drivers Licence' singer hi an thawhpui dawn a, product thar pawh a ho hian an tlangzarh thuai dawn niin an sawi bawk.

Kum 19 leka upa Olivia Rodrigo hi kumin khan a vawi khatna atan Grammy award-ah a inlan ve a, award pathum lai a hum haw nghe nghe. Nikum lamah khan 'Drivers Licence' hmangin Spotify lamah record-te hial lo siam tawhin a album tihchhuah hmasak ber pawh Billboard 200 chart topper a nihpui nghal thei a ni.

Apple Inc. iPad pawh a lo fak zak tawh a, December thla khan Hong Kong-a hmunpui nei phone case seller Casetify nen pawh kum khat thawkdun turin inremna an lo siam tawh bawk.