Marshmello & Anne-Marie ‘Friends’ YouTube Billion Views Club-ah

YouTube chuan Nilaini khan Marshmello leh Anne-Marie-te thawhdunna hla 'Friends' lyric video chuan YouTube-ah thlirtu tluklehdingawn a nei tling tawh tih an puangzar.

Marshmello leh Anne-Marie-te hian February 9, 2018 khan 'Friends' lyric video hi YouTube-ah an dah chhuak a, kum li leh tlemah thlirtu tluklehdingawn an nei tling der a ni. Chumai a la ni lo, official video pawhin thlirtu mtd 942 chuang a nei tawh a, Billion Views Club-ah an lawmlut har lo ang.

'Friends' hi an tihchhuah hunlai khan hla lar ber pawl ni nghal mah se mak tak maiin Billboard Hot 100 top 10 a thleng phak loa, a thlensan lai berin 11-na a ni ṭawk. Mahse a hlawhtling hle tho a, International Federation of the Phonographic Industry chuan kum 2018-a hla hralh kal pakuana a nih thu an puang.