Fast & Furious 10 = Fast X

Fast & Furious producer Vin Diesel chuan Nilaini khan Instagram kaltlangin Fast & Furious 10 title a puangzar a, Fast X tih a ni dawn.

Khawvela film franchise hlawhtling ber pawl, Fast & Furious hi a hmawr an bawk ṭep tawh a, a bung tawp ber hi bung hnihah an ṭhen hrang leh dawn a, bung hmasa zawk chu nakkum May 19-ah an tlangzarh ang. Chumi a nih avang chuan tunah hian an chang ṭan tawh a, changtu tur an puangzar nual tawh a, an hrawl leh viau.

Fast X hi Justin Lin bawkin a direct leh a, tunhnai khan Jason Momoa a chan ve dawn thu puanzar a ni a, hmanni lawk khan Captain Marvel star Brie Larson pawh a chang dawn tih an sawi leh tawh bawk.

Main franchise hi a hmawr bawk dawn tawh mah se spin-off erawh siam an la tum hle a ni.