Nike film-ah Ben Affleck leh Matt Damon

Ben Affleck leh Matt Damon-te chu film tharah an thawkdun leh dawn a, an thawhdunna tur film hi sportswear company 'Nike' chunchang film-ah a ni dawn a, film hming tur erawh an la puangzar lo.

He film-ah hian Sonny Vaccaro chungchang tarlan a ni dawn a, Nike-in basketball icon Michael Jordan thawhpui tura hma an lak dan vel pawh tarlan a ni dawn bawk.

Ben Affleck hi Nike co-founder Phil Knight lema a chan dawn bakah director a ni nghal dawn a, Matt Damon hi Sonny Vaccaro lemah a chang thung ang.

Nike film hi Amazon Studios-a tihchhuah tur a ni a, Skydance Sports leh Mandalay Pictures-te nen an thawkho dawn a ni.